Peristiwa Isra' wal Miraj Nabi Muhammas Saw dan Hubungannyo Jo Kato Nan Ampek

PASTI dunsanak tau bahwa satiok bulan rajab diparingati isra' wal mi'raj, isra' mi'raj ko adolah salah ciek paristiwa yang tajadi pado jaman Rasulullah Saw, pado saaik itu Rasulullah manjapuik sumbayang kaateh langik untuak batamu Tuhan Allah. Pado saaik itu, Rasulullah pai jo buraq, buraq ko adolah kandaraan nan ado di sarugo Nan dijampuik oleh Malaikaik jibraie. Isra Miraj adolah sabuah paristiwa dahsyaik, banyak urang mayabuik adolah pajalanan suci Nabi Muhammad Saw dari Masjidil Haram ka Masjidil Aqsa di Palestina hinggo naiak ka langik nan ka tujuah dalam wakatau samalam.

Paristiwa iko tajadi pado 27 Rajab di tahun ka dalapan kanabian, artinyo satalah Nabi Muhammad Saw diangkek dek Allah Swt manjadi nabi mangko tahun kadalapan ko beliau diangkek pulo dek Allah Swt untuak malaksanokan Isra Miraj ko. Paristiwa Isra Mi'raj ko diabadian pulo dalam Alquran surek  Al Isra, yang mano dalam Al- Qur'an sudah dijalehan pulo dalam awa surek Al Isra ko. Isra Miraj adolah sabhah paristiwa pntiang dek umaik Islam. Isra Miraj adolah pajalanan di malam hari yang dilakuan dek Nabi Muhammad SAW ke Sidratul Muntaha di langik nan ka tujuah untuak manjapuik sumbayang limo wakatu yang masih kito karajoan hinggo hari kini ko.

Dalam pangaratiannyo Isra dan Miraj ko tadiri dari duo kato, Isra bararti pajalanan pado malam hari, sadangkan Miraj berarti naiak atau diangkek ka Sidratul Muntaha. Di malam ko, Rasulullah bersama Malaikat Jibril melakuan pajalanan dari Masjidil Haram di Makkah ke Masjidil Aqsa di Palestina. Lalu, Nabi diangkek ka langik ka tujuah untuak basobom jo Allah SWT.

Lanjuik kito ka bahasan nan kaduo yaitu kato nan ampek,kato(kata)ucapan atau kata yang diucapkan dalam bahasa minang lebih erat dengan budaya dan perilaku kita sehari-hari, kato dalam bahaso Minang tadiri ateh babarapo kato salah satunyo kato nan ampek, kato nan ampek dapek kito caliak dalam uraian dibawah ko:

1. Kato mandaki biasanyo dikecekan kapado urang nan labiah gadang dari kito, indak mamakai intonasi nan mambantak, manyirengeh, ongeh kapado urang yang labiah gadang dari kito

2. Kato manurun dikatoan  kapado urang nan labiah ketek yaitu dengan mangayomi urang nan labiah ketek tasabuik. Indak berang jo kito kapado urang nan labiah ketek daripado kito

3.Kato mandata dikatoan kapado urang yang samo gadang jo kito istilahnyo indak ado raso jo pareso kito, indak lo buliah kito bao lalu urang yang samo gadang jo kito

4. Kato melereang dikatoan kapado urang sumando, bisan, ipa dan lain-lain. Kato malereang ko harus ado raso sagan kito untuak mangatoan nyo indak bisa dibao untuak bagarah-garah doh karano kato iko kato ado pulo dalam adaik kito

Jadi hubungan antaro isra' mi'raj jo kato nan ampek ko  adolah katiko nabi di isra' kan katiko dado Nabi Muhammad Saw ka dibadah di sumua Zam-Zam, Nabi Muhammas Saw wakatu ka dibadah dek malaikaik jibraie, sawaktu manjapuik Nabi di Rumah Umi Hanik, sawakatu itu Nabi lalok batigo jo Hamzah dan Ja'far jadi Nabi Lalok diantaro duo urang ko mambulakang badan Nabi ka ja'far dan maadok badan Nabi ka Hamzah jadi apo makna dari iko sadonyo ko yaitu nyo adolah kito sebagai manusia harus manghormaiki nan gadang dan mangayomi nan ketek, jadi panulih bapikiran juo yaitu tentang kato nan ampek ko ado hubungan jo paristiwa di ateh, karano makna paristiwa di ateh samo jo makna kato nan ampek yaitu nyo tarutamo kato manurun dan kato mandaki. Itu kahebatan urang tuo kito dahulu di Minangkabau ko, bisa mambuek suatu falsafaik tapi berkaitan pulo jo suatu paristiwa nan gadang, yaitu nyo kisah Isra' Miraj ko.

Panulih bapikiran juo sabalun diciptakan juo kato nan ampek ko jadi pelajaran nan diambiak dari Isra' Miraj ko. Tantu selain manjapuik sumbayang limo wakatu tantu ado pulo makna nan lain dari kisah Nabi Muhammad Saw ko, salah satunyo hubungan nan ambo alah tulih di ateh, alun pulo lai makna misalnyo saparati pandangan Nabi Muhammad Saw katiko handak pai ka ateh yaitu bamacam-macam urang nan basobok jo Nabi Muhammad Saw. Alun pulo lai Nabi diagiah  tigo buah aie.

Jadi Isra' Miraj ko adolah suatu paristiwa yang gadang tapi mampunyoi banyak makna bapak yang tasurek maupun tasirek. Kasimpulannyo hubungan kato nan ampek tarutamo kato mandaki samo manurum jo suatu paristiwa gadang yang kito picayo hinggo kini yaitu Isra' Miraj mampunyoi kasamoan makna dalam hal tarutamo saaik Nabi Muhammad akan dibadah di dakek Sumue Zam-Zam sawaktu manjapuik Nabi di Rumah Umi Hanik, sawakatu itu Nabi lalok batigo jo Hamzah dan Ja'far jadi Nabi Lalok diantaro duo urang ko . Salamaik mamparingati hari kisah Isra' Miraj Nabi Muhammad Saw samoga kito sadonyo diberi kesehatan dan labiah baiak kadapannyo.

*Penulis adalah Abdul Jamil Al Rasyid,  Mahasiswa Sastra Minangkabau FIB Unand angkatan 2019 berdomisili di Padang Pariaman Santri Pondok Pesantren Madinatul Ilmi Nurul Ikhlas  Patamuan Tandikek

Silakan baca konten menarik lainnya dari BentengSumbar.com di Google News