Headline

Opini

Parlemen

Sports

Carito Kiramaik Tuangku Muhammaik

          Carito Kiramaik Tuangku Muhammaik
Foto Abdul Jamil Al Rasyid. Carito Kiramaik Tuangku Muhammaik.

Carito Kiramaik Tuangku Muhammaik
TUANGKU Muhammad atau urang Tandikek Asli manyabuik Tuangku Muhamaik adolah seorang ulama takamuko di Tandikek Asli. Beliau pulo adolah ulama nan saliah samaso hidupnyo. Kampuang aslinyo di Lubuak Laweh tampek nan kini alah tatimbun longsor. 


Samanjak umue 15 Tahun inyo alah mangaji ka Bukik Tandang Solok. Inyo mangaji manuruik carito salamo 10 tahun.  


Inyo  mangaji mode biaso, inyo  mangaji kitab kuniang di Solok. Batahun inyo disinan, inyo mahabihan wakatu dan alun pulang ka Lubuak Laweh tampk maso keteknyo.


Satelah mampunyoi baka jo ilmu agamo nan mumpuang inyo baliak ka Lubuak Laweh. 


Disinan inyo manghabiskan wakatu yaitu mangaja atau minggu. 


Minggu di Pariaman adolah sabuah tradisi yaitu para ustad baceramah atau tabligh sakali dalam saminggu di surau atau musajik tatantu nan dilakuan rutin satiok satu kali saminggu. 


Misalnyo Tuangku Muhamamaik minggu dari kampuang misalnyo di Tandikek Asli hari sinayan, Lubuak Laweh hari salasa, Padang Sago rabu mode tu sataruihnyo (maksudnya disini  yaitu pembagian minggu itu mangaji dibagi harinyo rutin setiap minggu).


Tuangku Muhammaik karano inyo acok pai  minggu ka Padang Sago disinan inyo mandapek  jodoh. 


Inyo babini dan dibawonyo ka Tandikek Asli. Di Tandikek Asli, inyo mamiliki harto pusako tinggi dari kaumnyo. 


Di Tandikek urang sangaik  dihormati karano inyo indak mamiliki kendaraan untuak pai minggu(pai mangaji) tatapi manuruik carito inyo itu sakti atau keramaik. 


Mengingat inyo acokminggu dan jalannyo capek dari urang biaso misalnyo inyo pai  dari rumah manuruik caritanyo jam 7 magrib sampai di Padang Saago sekitar 15 KM dari Tandikek Asli ditampuah salamo labiah kurang 30 minik.


Itulah sababnyo inyo dikatoan kiramaik sampai kini, para pangikuik Tarikat Syatariah masih acok malakukan ziarah ke makam Tuangku Muhamaik yang alah maninggalkan  masyarakaik Tandikek Asli. 


Masyarakaik Tandikek Asli picayo jo carito Tuangku Muhamaik iko karano alah acok barulang kali tentang jalannyo nan capek misalnyo pai sumbayang jumaik, minggu dan kepasar. 


Dia kalo bajalan jo urang biaso sajo tatapi kalau sandiri bagitu capek.  


Sampai kini indak banyak nan mangetahui dan pusaro inyo indak modenpusaro tuangku keramaik lainnyo nan bersiah. 


Pusaro beliau indak pernah dibangun kareno indak ado bantuan dari pamerintah dan pamerintah indak juo mangetahui tantang beliau.


*Penulis adalah Abdul Jamil Al Rasyid, Mahasiswa Sastra Minangkabau FIB Unand angkatan 2019 berdomisili di Padang Pariaman Santri Pondok Pesantren Madinatul Ilmi Nurul Ikhlas  Patamuan Tandikek.

Sebelumnya
« Prev Post
Selanjutnya
Next Post »
Loading...